"Piwelinge IBU"

Ngger, diati-ati aja seneng nyenyandung
Arum endah kembang bakung
Kesrimpung slendhang
Kesandung gelung
Kegubel gelung
Ngger, aku tansah ndedonga lan ngidung
Supaya kecekel anggonku mbujung


Aku tansah eling piwelinge ibu
Nalika arep budhal sinau
Ngger, urip mono awujud laku
Ombyaking donya aja kapaelu
Aja kapilut gebyaring lampu
Kang kairing jejogedan lan gumuyu





Ngger, urip kang prasaja aja mung mburu barang donya
Ditansah eling lan waspada
Swarga ora dumunung ing kedheping netra
Tansah dedonga marang Kang Mahakwasa
Kanggo ngudi laku utama


Matur nuwun Ibu
Pangandikamu rumasuk ing balung sungsumku
Pindha latu mangalad-alad jroning kalbu
Agawe antebing kalbu
Saengga pahiting bratawali ora tau keprungu
Aku setya tuhu marang piwelingMu
Kang Putra tansah nyuwun pangestu